Gofal Gemwaith

Er mwyn helpu i'ch gemwaith aros ar ei orau, mae'n werth ei dynnu i ffwrdd yn ystod gweithgareddau bob dydd a allai achosi traul neu ddifrod. Tynnwch eich gemwaith wrth:

• Gael cawod neu nofio
• Golchi llestri neu lanhau
• Rhoi eli, persawr, neu liw gwallt
• Ymarfer corff neu wneud gwaith llaw
• Cysgu neu unrhyw weithgaredd a allai roi pwysau ar eich gemwaith

Cymaint ag yr hoffem wisgo ein gemwaith drwy'r amser, mae rhoi ychydig o ofal ychwanegol iddo yn helpu i atal difrod diangen ac yn ei gadw i edrych ar ei orau.

Pan nad ydych chi'n ei wisgo, storiwch eich gemwaith yn ofalus yn ei flwch gwreiddiol neu boced meddal i'w amddiffyn rhag gael ei gnocio a chrafu.

Bydd darnau sy'n cynnwys cerrig yn gwisgo'n well ac angen llai o waith cynnal a chadw arnynt os cânt eu storio ar wahân, i ffwrdd o emwaith arall.

Mae llawer o fy mwclis yn defnyddio cadwyni neidr, sy'n llyfn iawn ond yn dyner.

Er mwyn osgoi plygu neu dorri:

• Peidiwch â'u plygu na'u gorfodi i mewn i flychau bach.
• Storiwch nhw'n hongian neu wedi'u coilio'n llac.

Gemwaith Arian (a Cherrig Di-fandyllog - 'non-porous')

Mae arian yn pylu'n naturiol dros amser ond mae'n hawdd ei adfer gyda glanhau ysgafn.

Dyma ddull syml ac effeithiol ar gyfer tynnu pylu ysgafn o emwaith arian plaen neu ddarnau wedi'u gosod â cherrig caled, di-fandyllog (fel topas, saffir, neu ddiamwnt):

1. Leiniwch bowlen â ffoil alwminiwm - ochr sgleiniog i fyny.
2. Rhowch eich gemwaith ar y ffoil.
3. Rhowch sprinkle o bicarbonad soda dros y darnau.
4. Arllwyswch ddigon o ddŵr berwedig i'w trochi.
5. Symudwch y darnau'n ysgafn gyda llwy blastig neu bren (nid metel).
6. Ar ôl ychydig funudau, tynnwch yn ofalus gyda tongs neu tweezers, rinsiwch mewn dŵr glân, a sychwch.
7. Gorffennwch gyda sglein ysgafn gan ddefnyddio brethyn meddal di-lint.

Rhaid osgoi y dull hwn ar gyfer cerrig cain neu fandyllog (gweler isod).

Mae angen gofal arbennig o dyner ar gemau mandyllog a rhai cerrig sydd wedi'u trin.

Gallant amsugno lleithder neu gemegau, a all achosi afliwio neu ddifrod i'r wyneb os cânt eu glanhau'n anghywir.

Beth i'w Osgoi

• Peidiwch â throchi'r cerrig hyn mewn dŵr na glanhawr gemwaith. Osgoi glanhawyr uwchsonig neu stêm - gallant achosi cracio neu gymylu.
• Cadwch draw oddi wrth bersawrau, eli, chwistrell gwallt, a chynhyrchion glanhau.
• Osgoi defnyddio brethyn neu frwsys sgraffiniol a allai grafu'r wyneb.

Glanhau Diogel

• Sychwch yn ysgafn gyda lliain meddal, sych ar ôl ei wisgo.
• Os oes angen, gwlychwch frethyn yn ysgafn gyda diferyn o ddŵr sebon ysgafn a glanhewch yn ysgafn o amgylch y lleoliad metel yn unig - nid y garreg - yna sychwch ar unwaith.
• Storiwch y darnau hyn ar wahân, mewn lle sych, i ffwrdd o leithder neu olau haul uniongyrchol.

Nid yw aur yn pylu fel arian, ond gall golli ei ddisgleirdeb o'i wisgo bob dydd.

I adfer ei ddisgleirdeb:

• Cymysgwch ychydig o sebon ysgafn â dŵr cynnes.
• Glanhewch yn ysgafn gan ddefnyddio brws dannedd meddal, yn enwedig ar gyfer arwynebau gweadog.
• Rinsiwch yn dda a sychwch gyda lliain meddal di-lint.
• Gorffennwch trwy sgleinio'n ysgafn gyda lliain sgleinio aur.